પ્રથમ તબક્કાનું મતદાન: પ્રથમ બે કલાકના વોટિંગમાં બંગાળ સૌથી આગળ, જાણો 21 રાજ્યોની સ્થિતિ...
- 19 Apr, 2024
આજે લોકસભાની ચૂંટણીના પ્રથમ તબક્કાનું મતદાન થઈ રહ્યું છે. આ અંતર્ગત 21 રાજ્યો અને કેન્દ્રશાસિત પ્રદેશની 102 બેઠકો માટે મતદાન ચાલુ છે. આ પૈકીની 9 સીટ એવી છે, જેમાં કેન્દ્રીય મંત્રી ચૂંટણી લડી રહ્યાં છે. પ્રથમ તબક્કામાં 1600થી વધુ ઉમેદવારો મેદાનમાં છે. આ તબક્કામાં નવ કેન્દ્રીય મંત્રી, બે પૂર્વ મુખ્યમંત્રી અને એક પૂર્વ રાજ્યપાલનું ભાવિ દાવ પર છે. વોટિંગ સવારે 7 વાગ્યાથી શરૂ થઈ ગયું છે અને સાંજે 6 વાગ્યા સુધી ચાલુ રહેશે. આજે અરુણાચલ પ્રદેશ અને સિક્કમ ની 92 વિધાનસભા સીટો પર પણ વોટિંગ થશે.
ચૂંટણી આયોગના જણાવ્યા મુજબ, પ્રથમ તબક્કામાં 16.63 કરોડથી વધુ વોટર્સ છે. આ પૈકીના 8.4 કરોડ મહિલા વોટર્સ છે. તેમાંથી 35.67 લાખ વોટર્સ એવા છે, જે પ્રથમ વખત વોટિંગ કરશે. જ્યારે 20થી 29 વર્ષની ઉંમરના મતદારોની સંખ્યા 3.51 કરોડ છે. તેમના માટે 1.87 લાખ પોલિંગ બુથ બનાવવામાં આવ્યા છે.
તમિલનાડુનાં મુખ્યમંત્રી એમ કે સ્ટલિને ચેન્નાઈમાં મતદાન કેન્દ્રમાં પહોંચીને વોટિંગ કર્યું હતું. રાજસ્થાનના મુખ્યમંત્રી ભજનલાલ શર્મા પણ વોટિંગ કરવા પહોંચ્યા હતા. વોટિંગ પછી તેમણે કહ્યું હતું કે ખૂબ ઉત્સાહ છે. હું આજે અપીલ કરવા માંગું છું કે આ લોકશાહીનો તહેવાર છે. વોટિંગ જરૂર કરજો. તમારો વોટ આપણી લોકશાહી, આપણ દેશને મજબૂત કરશે.
21 રાજ્યોમાં 9 વાગ્યા સુધીમાં કેટલું મતદાન થયું?
પશ્ચિમ બંગાળ- 15.9 ટકા
મધ્યપ્રદેશ- 14.12 ટકા
ત્રિપુરા- 13.62 ટકા
મેઘાલય- 12.96 ટકા
ઉત્તરપ્રદેશ- 12.22 ટકા
છત્તીસગઢ- 12.02 ટકા
અસમ- 11.15 ટકા
રાજસ્થાન- 10.67 ટકા
જમ્મુ-કાશ્મીર- 10.43 ટકા
ઉત્તરાખંડ- 10.41 ટાક
મિઝોરમ- 9.36 ટકા
બિહાર- 9.23 ટકા
અંદમાન- 8.64 ટકા
તમિલનાડુ- 8.21 ટકા
નાગાલેન્ડ- 7.79 ટકા
મણિપુર- 7.63 ટકા
પોન્ડીચેરી- 7.49 ટકા
મહારાષ્ટ્ર- 6.98 ટકા
સિક્કિમ- 6.63 ટકા
લક્ષદ્રીપ- 5.59 ટકા
અરુણાચલ પ્રદેશ- 4.95 ટકા
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ